Знакамітыя выпускнікі

 

Куніцкі Максім Іванавіч

    Куніцкі Максім Іванавіч у 1995 годзе пасля заканчэння з адзнакай 9 класаў  Грэскай сярэдняй школы паступіў у ліцэй БДУ. У 1997 годзе стаў студэнтам факультэта радыёфізікі БДУ, які скончыў з адзнакай у 2002 годзе, прадоўжыў навучанне ў аспірантуры.

    Зараз Куніцкі М.І. працуе ў лабараторыі ва ўніверсітэце Гётэ ў Франкфурце. Група нямецкіх і расійскіх фізікаў пад кіраўніцтвам Максіма Куніцкага сабрала трайную малекулу з атамаў гелія, над стварэннем якой фізікі свету "біліся" на працягу больш чым 38 гадоў.

"Это первая стабильная ефимовская система, которая была когда-либо открыта. Подобные тримеры летали по лаборатории, внутри вакуумной камеры, не взаимодействуя с приборами и не нуждаясь во внешней поддержке. Максим создал ее в нашей маленькой лазерной лаборатории, и для этого не понадобились большие машины или ускорители", — заключает Райнхард Дернер (Reinhard Doerner), руководитель лаборатории и коллега Куницкого.

РИА Новости http://ria.ru/science/20150501/1061936493.html#ixzz3vEXISOmO

 


∗ ∗ ∗ ∗ ∗ ∗ ∗ ∗ ∗ ∗ ∗ ∗ ∗ ∗ ∗ ∗ ∗ ∗ ∗ ∗ ∗ ∗ ∗ ∗

  

МІКЛАШЭВІЧ ГАННА ІВАНАЎНА

        Ганна Іванаўна Міклашэвіч нарадзілася ў азёрным Нарачанскім краі.   Школьныя гады прайшлі ў вёсцы Грэск. У 1988 г. скончыла 9 класаў Грэскай сярэдняй школы. У 1992 годзе скончыла Нясвіжскае педагагічнае вучылішча, у 2000 годзе – БДПУ імя Максіма Танка. Працуе настаўнікам беларускай мовы і літаратуры ў Грэскай сярэдняй школе.
    Ганна Іванаўна Міклашэвіч з’яўляецца членам Саюза пісьменнікаў Беларусі з 2006 года. Паэтэса актыўна друкуецца ў такіх перыядычных выданнях, як часопісы “Маладосць”, “Неман”, газеты “ЛіМ”, “Мінская праўда”, “Слуцкі край”. На рахунку паэтэсы 2 зборнікі паэзіі: “Калыханка для дваіх” (1999 г.), “Пялёсткі сняжынак” (2010 г.). Падборка вершаў Ганны Міклашэвіч змешчана ў альманаху “Міншчына літаратурная” (2014 г.).

 


 

        

НОВІК АЛЯКСЕЙ АЛЯКСАНДРАВІЧ

           У 1995 годзе скончыў з адзнакай Грэскую сярэднюю школу Слуцкага раёна Мінскай вобласці.

         У 1995-2000 гадах вучыўся на геаграфічным факультэце Беларускага дзяржаўнага універсітэта па спецыяльнасці “Геаграфія”. У 2000 годзе, з адзнакай скончыўшы геаграфічны факультэт, паспяхова паступіў у аспірантуру БДУ. Па заканчэнні аспірантуры ў 2003 годзе, залічаны на пасаду малодшага навуковага супрацоўніка ў НДЛ возеразнаўства БДУ. У 2004 годзе пераведзены на пасаду асістэнта кафедры агульнага землязнаўства геаграфічнага факультэта БДУ. З 2007 па 2011 працаваў на кафедры агульнага землязнаўства на пасадзе старэйшага выкладчыка. З 2011 года і па цяперашні час працуе на кафедры агульнага землязнаўства і гідраметэаралогіі БДУ на пасадзе дацэнта. У 2014 годзе прысвоена званне дацэнта. Чытае шэраг лекцыйных курсаў і спецкурсаў і праводзіць практычныя і лабараторныя заняткі на геаграфічным факультэце БДУ. Прымае актыўны ўдзел у распрацоўцы вучэбна-метадычных комплексаў, ўкараняе ў навучальны працэс розныя формы кантралюемай самастойнай працы студэнтаў. З’яўляецца аўтарам тыпавых і вучэбных праграм па курсах «Геамарфалогія», «Гідраметрыя і водагаспадарчы баланс», «Гідралагічныя прагнозы».

       У 2005 годзе абараніў кандыдацкую дысертацыю па тэме «Лагчынныя азёры гляцыягенных рытвін». У цяперашні час працуе над зацверджанай Саветам факультэта доктарскай дысертацыяй па тэме «Агульныя заканамернасці накаплення асадкавых парод і ваганні ўзроўняў азёр Усходне-Еўрапейскай раўніны ў пасляледавіковы перыяд». Па тэме дысертацыі ўдзельнічаў у выкананні міжнароднага праекта.

       Аўтар 50 навуковых публікацый, у тым ліку 12 у замежных выданнях. Мае 10 артыкулаў у рэцэнзуемых часопісах. З’яўляецца кіраўніком і выканаўцам шэрагу навукова-даследчых, у тым ліку міжнародных праектаў.


 

 

 

Аляксандр      Валер'евіч   Салтавец,

мастак

     Аляксандр Салтавец нарадзіўся ў 1980 годзе ў вёсцы Грэск, у 1997 годзе скончыў Грэскую сярэднюю школу. Жывапісам захапляўся з дзіцячых год. У 1999 годзе скончыў Мірскае вучылішча мастацтваў. Працуе выкладчыкамі жывапісу і кампазіцыі ў Грэскай дзіцячай школе мастацтваў. У 2004 годзе прайшла першая персанальная выстава Аляксандра Салтаўца ў г.Слуцку. У работах аўтара прадстаўлены два накірункі: рэалізм і авангард. На працягу апошніх дзесяці гадоў прайшло больш за 20 персанальных выставак мастака ў горадзе Мінску і розных рэгіёнах рэспублікі.  У 2011 годзе Аляксандр Салтавец стаў лаўрэатам прэміі "Чалавек года Міншчыны". Многія работы майстра знаходзяцца ва ўласных калекцыях у Канадзе, Італіі, Расіі, ЗША. Натхенне, з прызнання А.Салтаўца, ён чэрпае з роднай прыроды, гісторыі, фальклору.

https://www.youtube.com/watch?v=-NTHJcGqduk

 

 

 

 

 




Уладзімір Ільіч Вітко,

беларускі жывапісец, графік

     Уладзімір Ільіч Вітко нарадзіўся ў 1933 годзе ў мястэчку Грэск Слуцкага раёна. Базавую адукацыю атрымаў у Грэскай сярэдняй школе. У 1961 годзе ён скончыў Мінскае мастацкае вучылішча. Пасля заканчэння вучылішча працаваў мастаком на фабрыцы КІМ і Віцебскім камбінаце шаўковых тканін.

    З 1963 года пачынаецца яго сталая творчасць.

    З 1968 года працаваў у Віцебскіх мастацка-вытворчых майстэрнях.

    У 1975 годзе прыняты ў Саюз мастакоў СССР.

    Уладзімір Ільіч з’ўляецца ўдзельнікам абласных, рэспубліканскіх, усесаюзных і замежных мастацкіх выставак.

    Мастак працуе ў асноўным у станкавым жывапісе ў жанрах лірычнага пейзажу, тэматычнай карціны, нацюрморта, партрэта.

     Творы У.І. Вітко знаходзяцца ў музеях рэспублікі Беларусь, Польшы, у дырэкцыі выстаў мастацкага фонду РБ, а таксама ў прыватных калекцыях Рассіі, Польшы, Германіі, Італіі.

      У 2009 годзе ў Грэскай сярэдняй школе адкрыта мастацкая галерэя імя У.І. Вітко, дзе захоўваецца 75 карцін аўтара і звыш 100 гравюр мастака. 

 

 

   

 

 

 

 

     

Клебановіч Вольга Міхайлаўна,

народная артыстка Беларусі,

вядучая актрыса Нацыянальнага акадэмічнага драматычнага тэатра імя М.Горкага

    Пасля заканчэння Беларускага дзяржаўнага тэатральна-мастацкага інстытута Вольга Клебановіч была размеркавана на працу ў Гродненскі абласны драматычны тэатр, праз год перавялася у Мінск у Рускі тэатр, дзе і служыць па сённяшні дзень ужо больш за 45 гадоў.

     У 1982 годзе Вользе Клебановіч прысвоена ганаровае званне "Заслужаная артыстка БССР", у 1995 годзе за вялікі ўклад у развіццё тэатральнага мастацтва і высокае прафесійнае майстэрства - ганаровае званне "Народная артыстка Беларусі".

     У 2003 годзе Вользе Міхайлаўне ўручаны прыз "Крыштальная Паўлінка" Беларускага саюза тэатральных дзеячоў, у 2005 годзе - медаль Францыска Скарыны. В.М.Клебановіч - лаўрэат Дзяржаўнай прэміі Рэспублікі Беларусь, член грамадскага аб'яднання "Беларуская гільдыя акцёраў кіно".

    Вольга Міхайлаўна - сапраўдны майстра сваёй справы, таленавіты педагог, надзейны сябра і выдатны душэўны чалавек.

    З успамінаў Вольгі Міхайлаўны:

    "Я - як лялька-"неваляшка": чым мацней абставіны згінаюць мяне да зямлі, тым адчайней я падымаюся і, як барон Мюнхаўзэн, за валасы выцягваю сябе. Бацькі мае беларусы. Я рана засталася без бацькі. Паднімалі мяне мама і бабуля з дзедам. У мяне было ўнікальнае насычанае дзяцінства ў мястэчку Грэск на Случчыне. Я ўмею рабіць усё: і агарод палоць, і бульбу саджаць, і рыбу лавіць, і грыбы збіраць. Дзядуля быў столярам і выдатным паляўнічым. І я лес адчуваю і люблю...Мама была ўнікальным чалавекам, якога ўсе абажалі. Мне яна прысвяціла жыццё, і дзякуючы ёй, я магла займацца прафесіяй. Я з дзяцінства любіла спяваць, спявала дзе магла, і, вядома, у школьнай самадзейнасці. Вучылася ў школе я добра, любімых прадметаў не было, таму што мне было цікава ўсё. Марыла стаць урачом ці актрысай. Стала актрысай: урачую душы"

    

 Вольга Клебановіч - актрыса тэатра і кіно.

 

 

 

∗∗∗∗∗∗∗∗∗∗∗∗∗∗∗∗∗∗∗∗∗∗

 

 

   

 Гладкая Валянціна Фёдараўна,

мастацкі кіраўнік і заснавальнік

Заслужанага аматарскага фальклорна-этнаграфічнага ансамбля “Неруш”,

заслужаны дзеяч культуры Рэспублікі Беларусь 

    Гладкая Валянціна нарадзілася ў вёсцы Праснакі Капыльскага раёна.У 1973 годзе скончыла Грэскую сярэднюю школу Слуцкага раёна. З 1977 па 1981 гады студэнтка Мінскага інсытута культуры.

    У 1980 годзе фальклорна-этнаграфічны ансамбль “Неруш” быў створаны на механіка-матэматычным факультэце БДУ, заснавальнікам і нязменным кіраўніком якога на працягу 35 гадоў з’яўляецца Валянціна Фёдараўна. У 1985 годзе “Нерушу” была прысуджана званне “Народны” за высокую творчую работу. У 1998 годзе ансамбль атрымаў Спецыяльную прэмію Прэзідэнта Рэспублікі Беларусь у галіне міжнароднай культурнай дзейнасці, а ў 2009 годзе “Нерушу” прысвоена званне “Заслужаны аматарскі калектыў”. За вялікі ўклад у прапаганду нацыянальнай культуры і выхаванне моладзі В.Ф.Гладкай прысвоена ганаровае званне “Заслужаны дзеяч культуры Рэспублікі Беларусь" у 2001 годзе. Валянціна Фёдараўна актыўна працуе ў складзе журы рэспубліканскіх і міжнародных тэлевізійных конкурсаў. Гэты чалавек шчыра адданы сваёй справе, руплівы збіральнік фальклору, працуе над сістэматызацыяй народных песень, абрадаў і звычаяў, музыкі і вуснай народнай творчасці беларусаў.

     Валянціна Фёдараўна не забывае родную школу, з’яўляецца частым госцем тут. Неаднаразова на школьнай сцэне выступаў ансамбль “Неруш”, і кожнае выступленне – свята не толькі для школы, а для ўсёй вёскі. 

https://www.youtube.com/watch?v=tD0F2cS7JnU

 

Яшчэ ў гэтым раздзеле