Летняе аздараўленне 2024

Закрыццё лагера.

Вось і падышоў час развітання. 15 дзён наш аздараўленчы лагер кожную раніцу сустракаў вучняў. Кожны дзень у лагеры быў тэматычным. Дзеці не толькі адпачывалі, гулялі, але наведвалі і гурткі, і дзіцячую школу мастацтваў.

Сёння ў атрадах праводзілася анкетаванне "Мае ўражанні пра адпачынак у лагеры". Дзеці афармлялі газету "Мой лагер, у якім я адпачываў".

Адбылася урачыстая лінейка, на якой выхаванцам былі ўручаны прызы за ўдзел і перамогі ў творчых конкурсах, спартландыях, мерапрыемствах.

Рабятам спадабалася адпачываць у лагеры "Вясёлка"! З нецярпеннем чакаем наступнае лета!

Дзень турызма.

18.06 у дзень турызма на аздараўленчай пляцоўцы "Вясёлка" дзеці наведалі адметныя мясціны вёскі Грэск: пошту, бальніцу, РАНС, сельскую бібліятэку, парк адпачынку.Эксурсія "Мая любімая вёска" выклікала шмат добрых уражанняў, асабліва зацікавіўшы дзяцей з іншых вёсак. Аматары шашак паказалі сваё майстэрства і кемлівасць у шашачным турніры.

Дзень майстэрства.

17 чэрвеня ў аздараўленчым лагеры "Вясёлка" праходзіў Дзень майстэрства. Выхаванцы атрада "Васількі" натхніліся цёплым летнім надвор'ем, багаццем колераў жывой прыроды і паспрабавалі перадаць яркі настрой у творчай майстэрні "Фантазія". Дзеці выразалі і размалёўвалі выцінанкі з паперы. Працавалі з алоўкамі і фарбамі - стваралі свае летнія букеты.

А спартыўная гадзiна сабрала аматараў тэнiсу. Захапляльная гульня на свежым паветры спадабалася ўсім: i гульцам, i балельшчыкам.

Дзень дзіцячай кнігі.

"Дзень дзіцячай кнігі" пачаўся з рэйда ў бібліятэку. Навучэнцы аздараўленчага лагера з жаданнем і цікавасцю ўключыліся ў добрую справу - рамонт кніг, якія паспелі пазносіцца ў працэсе чытання. На гадзіну хлопцы і дзяўчаты сталі "дактарамі". Кніжкі "палячылі" і засталіся задаволены сваёй працай.

Далей рабят чакала гульнявая праграма "Па старонках любімых казак". Дзеці падарожнічалі па старонках любімых казак, адгадвалі загадкі, пазнавалі герояў кніг па рэчах, гулялі, весяліліся. Дзеці на мерапрыемстве пагрузіліся ў свет казак і прыгод.

Спартыўны час "Cамы лоўкі - гэта ты!"

Дзень прыроды 

Віктарына "Знаўцы прыроды". Дзеці актуалізавалі веды аб прыродзе ў гульнявой форме: адказвалі на пытанні, адгадвалі загадкі, вылучалі чацвёрты лішні. За правільныя адказы атрымоўвалі жэтоны. Вызначаны тры пераможцы.

Спартыўная гадзіна "Мой вясёлы мяч".

Забаўляльная праграма "Вясёлыя рытмы".

Дзень бяспекі

Пазнавальна - забаўляльная гульня "Дзеці і бяспека".

Гульня-спартландыя "Самыя хуткія ў атрадзе"

Дзень прафарыентацыі

12.06 на аздараўленчай пляцоўцы прайшоў дзень прафарыентацыі. Падчас гульнявой праграмы "Свет прафесій" дзеці адгадвалі загадкі , пасправалі сябе ў ролі розных прафесій, у сваіх малюнках адлюстравалі прафесіі сваіх бацькоў.

Выстава малюнкаў "Прафесіі маіх бацькоў"

Вясёлыя старты "Усе наперад!"

Мультыманія: "Ратавальнікі"

Дзень юнага вучонага

Дзень юнага вучонага пачаўся iнфармацыйнай гадзiнай "Свет навукi i тэхнiкi". У атрадзе "Праменьчыкі" рабяты з захапленнем слухалi пра дасягненнi сучаснай навукi i яе ролi ў жыццi чалавека, а затым самi канструявалi робатаў.

Цікава прайшла ў атрадзе "Васількі" інфармацыйная гадзіна "Свет навукі і тэхнікі". У Дзень юнага вучонага выхаванцы пазнаёміліся з незвычайнымі навуковымі фактамі, паспрабавалі сябе ў ролі даследчыкаў роднай мовы і папрацавалі са слоўнікамі. З задавальненнем рашалі прыклады і задачы павышанай цяжкасці.

У атрадзе "Зорачкі" аздараўленчага лагера "Вясёлка" прайшла інфармацыйная гадзіна "Свет навукі і тэхнікі". Вучні знаёміліся з гісторыяй узнікнення вынаходніцтваў, узгадвалі найбольш значныя з іх, выказвалі меркаванні на тэму " Роля навукі ў нашым жыцці". Было цікава і пазнавальна.

Вiртуальноепадарожжа "У краiне Навука"

Дзень талентаў

10.06 на аздараўленчай пляцоўцы "Вясёлка" прайшоў конкурс "Мы шукаем таленты", на якім абмеркавалі, што такое талент і таленавіты чалавек. Потым удзельнікі конкурсу праявілі сябе ў розных намінацыях "Лепшы спявак", "Лепшы акцёр" і "Лепшы танцор". Дзеці атрымалі шмат пазітыўных эмоцый, радасці, задавальнення ад магчымасці паказаць сябе і свае таленты.

У аздараўленчым лагеры "Вясёлка" сёння прайшло спартыўнае мерапрыемства "А вам слабо?" Дзеці спаборнічалі ў трапнасці і спрыце, праявілі згуртаванасць і імкненне да перамогі. Кожны хацеў быць першым, але як і ў любым спаборніцтве перамог наймацнейшы.

Дзень здароўя

Сеняшні дзень для выхаванцаў лагера прайшоў пад дэвізам "Я гаспадар свайго здароўя". На гэтую тэму была праведзена гутарка, у ходзе якой выхаванцы паразважалі пра тое, для чаго чысціць зубы і выконваць рэжым дня, якія прадукты харчавання не вельмі карысныя дзеям. Выхаванцы прынялі актыўны ўдзел у гульні "Ты і Я -здаровая краіна".

Дзень казак

Віктарына "У свеце казак". Удзельнікі адгадвалі назвы твораў па першых абзацах, называлі герояў, прыдумвалі свае загадкі, дзяліліся ўражаннямі пра любімыя казкі. Было прыемна "вярнуцца ў дзяцінства".

Наведалі бібліятэку, дзе дакрануліся да цудаў і прыгажосці кніжак-зборнікаў казак. З вялікім натхненнем размалёўвалі казачных персанажаў і стваралі свае ілюстрацыі да любімых твораў.

А потым выхаванцы малявалі адзенне для казачных герояў

Спартыўная эстафета "Самы лоўкі - гэта ты" прайшла на УРА! Дзеці атрымалі зарад бадзёрасці і аптымізму. Дух спаборніцтва дапамог пераадолець усе цяжкасці выпрабаванняў.

Дзень музыкі

Сёння гучалі любімыя дзіцячыя мелодыі, нават танцавальныя. У атрадзе "Праменьчыкі" дзеці, якія наведваюць музычную школу, нават паспрабавалі намаляваць свае музычныя інструменты. Макарэвіч Марыя і Ганчарык Ксенія выканалі гумарыстычную песню пра двух баранаў.

Вялікую цікавасць выклікала музычная гульня "Адгадай мелодыю". Падчас гульні дзеці праявілі сваю кемлівасць, знаходлівасць, адлюстравалі свае веды пра музычныя творы. Гульня захапіла дзяцей духам спаборніцтва і цягай да перамогі. Было весела і пазнавальна.

Песнi дзяцiнства вяселыя i задорныя. Падчас правядзення конкурсу ,, Праспяваем песню разам,, спаборнiчалi ў выкананнi любiмых дзiцячых песнь. Прайграўшых у гэтым конкурсе не было. А ўзнагародай для ўсiх рабят стаў вяселы настрой.

Спачатку спартыўнай гадзіны "Мой вясёлы мяч" дзяўчынкі і хлапчукі пазналі, які шлях прыйшлося пераадолець пругкаму «калабку», каб раскоціцца па ўсім свеце.
На працягу ўсёй спартыўнай гадзіны эстафеты «Пракаці мяч абручом», «Перадай мяч», «Патрап у абруч», «Пранясі, не выпусці» праводзіліся з рознымі мячамі.
Захапленне, эмоцыі, згуртаванасць гульцоў, добры настрой і зарад бадзёрасці - вось усе састаўныя спартыўнай гадзіны!

Дзень правіл дарожнага руху

Падчас правядзення віктарыны "Азбука вуліц і дарог" рабяты згадалі правілы дарожнага руху, упэўніліся ў неабходнасці іх выканання. А конкурс малюнкаў "У святлафора няма канікулаў" каторы раз пацвердзіў, што выкананне правіл дарожнага руху - актуальная і важная тэма для кожнага навучэнца.

Дзень знаёмства

Сённяшні дзень быў сапраўды прадуктыўным. Вясёлыя старты " Усе наперад" пачаліся з групавога забегу. Потым іх чакалі гульні на свежым паветры, а таксама таварыскі матч па футболе паміж атрадамі.

Свет захапленняў нашых выхаванцаў цікавы і разнастайны. Пра свае любімыя заняткі рабяты паведамілі на конкурсе малюнкаў. А вось пераможцамі сталі Мяцельскі Яўген (малюнак "На рыбалцы"), Салавей Кацярына ("Дапамога маме"), Волат Анастасія ("Космас") і Сідаровіч Максім ("Паветраны змей").

Першы дзень праходзіў пад дэвізам "Прывітанне, бяспечны лагер". У рамках урачыстай лінейкі з нагоды адкрыцця лагера з дзецьмі быў праведзены інструктаж-гутарка "Правілы бяспечных паводзін у школьным лагеры і за яго межамі".

Затым у атрадах працавалі творчыя майстэрні "Мой атрад". Дзеці малявалі атрадныя плакаты, выбіралі актывы атрадаў.

Вось так прайшла першая спартыўная гадзіна ў аздараўленчым лагеры "Вяселка" . Дзеці атрымалі шмат яскравых, вяселых і добрых пачуццяў, з задавальненнем адпачывалі і гулялі.

Забаўляльная праграма "Дзяцінства звонкае смяецца" сабрала на інтэлектуальныя спаборніцтвы аматараў літаратуры і прыродазнаўства, фальклору і малявання. Пераможцы атрымалі "лайкі" і , вядома, цудоўны настрой.

Перад адыходам дадому рабяты ўспомнілі ПДД і паўтарылі бяспечны маршрут "Дом - школа - дом".

Першы дзень адпачынку прайшоў цікава, весела, бяспечна.