Сайт школьнага музея тут
Гісторыка-краязнаўчы музей
Дзяржаўнай установы адукацыі
"Грэская сярэдняя школа"
Вучні і настаўнікі Грэскай сярэдняй школы па крупінках збіраюць гісторыю сваёй малой радзімы і клапатліва захоўваюць яе ў школьным гісторыка-краязнаўчым музеі. Музей можна назваць “чароўнай машынай часу”. У ёй за лічаныя хвіліны, за кароткі час, адведзены на ўрок або пазакласнае мерапрыемства, вучань можа здзейсніць вандроўку не толькі ў мінулыя дзесяцігоддзі, але ўбачыць сучасны і будучы дзень, параўнаць падзеі розных часоў.
Ацэньваючы значнасць музея, сілу ўздзеяння яго экспанатаў, неабходна падкрэсліць, што жывы паказ з’яў і фактаў сродкамі музейных матэрыялаў асабліва ўразаецца ў памяць, дапамагае мысліць, выхоўвацца, “глядзець” вакол сябе і “бачыць”, вучыць атрымоўваць веды з жыцця.
Гісторыя стварэння
Музей Грэскай сярэдняй школы быў адкрыты 10 сакавіка 1985 года на сродкі калгаса «Гігант». Музей “Гісторыя сяла Грэск” мае гісторыка-этнаграфічны профіль. Музейныя экспанаты размясціліся на плошчы 72 кв.м. Гэта дзве залы: этнаграфічная зала - 32 кв.м. і зала Вялікай Айчыннай вайны -36 кв.м.; астатнюю плошчу займае лесвіца з першага на другі паверх. Вялікі ўклад у развіццё школьнага музея ўнесла Шчарбіцкая Святлана Мікалаеўна, якая была кіраўніком музея з верасня 1999 года па верасень 2016 года. За гэты час экспазіцыі музея значна пашырыліся, актывізавалася даследчая работа вучняў па вывучэнні гісторыі роднага краю.
У школе працуе гурток "Музейная справа".
Кіраўнік музея з 1 лістапада 2016 года - Гупаловіч Л.І., настаўнік гісторыі і грамадазнаўства.
Раздзелы экспазіцыі, тэматыка экскурсій, выставы
I раздзел– “Вёска Грэск у далёкім мінулым”
3 азнаямленчыя экскурсіі:
- “Гісторыя вёскі Грэск”;
- “Дэкаратыўна-прыкладное мастацтва і народныя промыслы Беларусі”;
- “Беларускае народнае адзенне”.
7 тэматычных экскурсій:
- “Эвалюцыя грашовых адзінак”;
- “Цудатворны ручнік”;
- “Мая вёска. Мінулае і сучаснае”;
- “Ганчарны промысел беларусаў”.
Часовыя выставы:
- “Нумізматыка”;
- “Народныя ўмельцы Грэска”;
- “Сямейныя рэліквіі”.
II раздзел - “Мая вёска ў гады вайны”
4 экскурсіі:
- “Героі Грэскага падполля”;
- “Вязні лагера Асвенцым”;
- “Дзейнасць групы “Бальнічная”;
- “Яны вызвалялі Случчыну”.
III раздзел– “Гісторыя школы”
4 экскурсіі :
- “Нашы мамы, таты – выпускнікі школы”;
- “І ў кожным сэрцы школа адгукнецца”;
- “Знакамітыя выпускнікі школы”;
- “Школа ўчора, сёння, заўтра”.
Фонд музея
Асноўны фонд састаўляе 380 экспанатаў, дапаможны - 26. У фонд уваходзяць рэчы хатняга ўжытку, посуд, мэбля, прылады працы, кнігі, прадметы дэкаратыўна-прыкладнога мастацтва, грашовыя адзінкі розных часоў, беларускае народнае адзенне і абутак, першабытныя прылады працы. Таксама фонд змяшчае экспанаты часоў Вялікай Айчыннай вайны (рэшткі зброі, уласныя рэчы савецкіх воінаў, пісьмы, дакументы, фотаздымкі).
Найбольш каштоўныя экспанаты: першабытныя прылады працы, грашовыя купюры, іконы, гадзіннік 19 ст., калекцыя манет.
