Мэты і задачы

2019/2020 навучальны год

Зыходзячы з праблем, акрэсленых у 2018/2019 навучальным годзе, вызначаны наступная мэта і задачы на 2019/2020 навучальны год:

Мэта работы школы

Стварэнне неабходных умоў для ўдасканалення адукацыйнай прасторы школы, якая садзейнічае ўсебаковаму развіццю суб'ектаў адукацыйнага працэсу ў сучасных умовах.

Задачы:

1. Забяспечыць рэалізацыю правоў кожнага вучня на атрыманне адукацыі ў адпаведнасці з яго патрэбамі і магчымасцямі.

2. Удасканаліць работу для павышэння якасці адукацыйнага працэсу праз:

ажыццяўленне кампетэнтнага падыходу ў навучанні і выхаванні,

прымяненне сучасных тэхналогій ва ўрочным працэсе і пазаўрочнай дзейнасці,

удасканаленне сістэмы работы з высокаматываванымі вучнямі,

павышэнне ўзроўню прафесійнай кампетэнтнасці педагогаў, інфармацыйнай і медыйнай культуры.

3. Стварыць неабходныя ўмовы для фарміравання светапогляду падрастаючага грамадзяніна, патрыёта, працаўніка праз:

выхаванне любові і павагі да роднай мовы, малой радзімы, захаванне гістарычнай памяці, нацыянальнай культурнай самабытнасці і традыцый беларускага народа;

далучэнне вучняў да актыўнай дзейнасці на карысць краіны і малой радзімы;

павышэнне эфектыўнасці работы па падрыхтоўцы вучняў да свядомага прафесійнага выбару.

4. Актывізаваць дзейнасць па фарміраванні культуры здароўя вучняў, па бяспечных і адказных паводзінах, папярэджанні траўматызму.

5. Узмацніць работу па раннім выяўленні сацыяльнага сіроцтва і сямейнага недабрабыту, папярэджанні супрацьпраўнай дзейнасці сярод непаўналетніх.

6. Прадоўжыць работу па ўмацаванні матэрыяльна-тэхнічнай базы, забеспячэнні вучэбных кабінетаў тэхнічнымі сродкамі навучання для пашырэння магчымасцей выкарыстання інфармацыйна-камунікацыйных тэхналогій у адукацыйным працэсе.

 

 

Яшчэ ў гэтым раздзеле