Веснавыя канікулы

30 сакавіка. У апошні дзень знаходжання ў аздараўленчым лагеры " Вясновая карусель" дзеці атрымалі вялікае задавальненне пры выкананні малюнкаў " Мая бяспека ". Яны гулялі, весяліліся і ўспаміналі, што адбылося за гэты тыдзень.
У канцы дня дзецям былі ўручаны сувеніры за ўдзел у конкурсах, віктарынах, гульнях. Нашы вучні з задавальненнем наведвалі пляцоўку і абяцалі сустрэцца на наступных канікулах!

29 сакавіка для атрадаў была праведзена займальная віктарына "Што за мультфільм? ", а таксама прайшла гульня "Знаўца казак". З дапамогай гэтых мерапрыемстваў дзеці, не толькі ўспомнілі казкі і мультфільмы, але і самі адчулі сябе сапраўднымі казачнымі героямі. У канцы іх чакаў прагляд савецкіх мультфільмаў.

27 сакавіка. У час конкурсу загадак "Адгадай-ка" ўдзельнікі акунуліся ў свет дзіўных таямніц і яркіх адкрыццяў. Яны ўзбагацілі свае веды аб жывой прыродзе, навучыліся распазнаваць разнастайныя віды раслін і жывёл, а таксама пазнаёміліся з мноствам цікавых фактаў пра іх.

Дзецi з задавальненнем разгадвалі загадкі пра птушак, звяроў, насякомых і рыб! Яны даведваліся пра тое, якія гукі выдаюць розныя жывёлы, як яны прыстасоўваюцца да жыцця ў прыродных умовах і якую ролю адыгрываюць у экасістэме.

27 сакавіка атрады " Пралескі" і "Касманаўты" прынялі ўдзел у віктарыне "Што ты ведаеш пра птушак". Дзеці былі не толькі актыўнымі, але і зацікаўленымі ў працэсе гульні. Кожны атрад праявіў сябе як разумныя і творчыя хлапчукі і дзяўчаты.
Пасля віктары дзеці адправіліся на спартыўную гадзіна. Яны прыгалі, бегалі, гулялі ў рухомыя гульні.

26 сакавіка. На аздараўленчай пляцоўцы дзеці прынялі ўдзел у спартландыі "У здаровым целе - здаровым дух". Дзве каманды спаборнічалі ў разнастайных конкурсах і заданнях, праявілі сваю хуткасць, сілу, спрыт і вынослівасць. Дух спаборніцтва  надаваў упэўненасць і сілы. Стомленыя, але шчаслівыя, дзеці з карысцю для здароўя актыўна і весела правялі час.

Падчас правядзення КПС "Піраміда здароўя" рабяты даведаліся шмат цікавага пра сувязь чалавека і прыроды, пра правільнае харчаванне і яго ўплыў на здароўе, пра неабходнасць захавання здаровага ладу жыцця. Дзеці з захапленнем расказвалі пра вядомыя ім лекавыя расліны, пра карысць садавіны і агародніны, калектыўна склалі "піраміду здароўя".

25 сакавіка. Цудоўным веснавым днём распачаў сваю працу аздараўленчы лагер "Вясновая карусель". Для атрадаў "Пралескі" і "Касманаўты" гэты дзень стаў цікавым і насычаным. Дзеці з задавальненнем уключыліся ў стварэнне малюнкаў пра вясну. Каляровыя алоўкі, фарбы, фламастары- ўсё пайшло ў ход.