Семінар-практыкум для настаўнікаў пачатковых класаў
26.03.201826 сакавіка на базе ДУА "Грэская сярэдняя школа" прайшоў абласны семінар-практыкум настаўнікаў пачатковых класаў "Сучасныя формы арганізацыі навучання на І ступені агульнай сярэдняй адукацыі". У мерапрыемстве прынялі ўдзел 12 настаўнікаў пачатковых класаў школ нашага раёна, таксама праняць удзел у семінары-практыкуме пажадалі 7 навучэнцаў Х, ХІ педагагічных класаў Грэскай сярэдняй школы.
Семінар вяла Крагель Людміла Уладзіміраўна, начальнік вучэбна-метадычнага аддзела пачатковай адукацыі ДУА "Мінскі абласны інстытурт развіцця адукацыі".
У ходзе семінара разглядаліся пытанні, звязаныя з прымяненнем на практыцы сучасных падыходаў у арганізацыі навучання ў пачатковай школе. Праведзена даследаванне адрозненняў традыцыйнага ўрока і ўрока, які адпавядае сучасным патрабаванням, прааналізаваны конкурсны відэаўрок. З цікавасцю педагогі выконвалі ролю навучэнцаў на прапанаваным мадэратарам уроку-квэсце. Інтэрактыўная форма правядзення семінара-практыкума спрыяла ўключэнню ў работу ўсіх удзельнікаў мерапрыемства, засваенню асноўных патрабаванняў да арганізацыі адукацыйнага працэсу на І ступені агульнай сярэдняй адукацыі, фарміраванню агульнапедагагічных кампетэнцый.