У суботу, 30 лістапада 2024 г

У суботу, 30 лістапада, вучні 8-9 класаў пагутарылі на тэму "Пойдзем вучыцца ў педагагічны клас". Падчас размовы была закранута праблема выбару будучай прафесіі, у тым ліку педагагічнай.  Рабятам  было прапанавана абмеркаваць,  якія педагагічныя прафесіі яны ведаюць, іх станоўчыя і адмоўныя бакі і падумаць , для чаго яны патрэбныя грамадству.

         Вучні малодшага і сярэдняга звяна наведалі  ваенную залу  школьнага  музея і паслухалі тэматычную экскурсію “Вёска Грэск у гады Вялікай Айчыннай вайны”. Дзяўчынкі-экскурсаводы, вучаніцы 6 класа, цікава і змястоўна расказалі пра акупацыю вёскі Грэск у гады вайны, пра дзейнасць падпольшчыкаў пад кіраўніцтвам Ю.Г.Войчыка на тэрыторыі Грэска, пра мужнасць і гераізм землякоў. Таксама ўдзельнікаў экскурсіі зацікавіла экспазіцыя, прысвечаная савецкаму часу.