Архіў справаздач

16.03.2024

16 сакавіка вучні сярэдніх класаў прынялі ўдзел  у суботнім мерапрыемстве "Свет маіх захапленняў".  Круглы стол сабраў падлеткаў у памяшканні бібліятэкі. Дзяўчынкі і хлопчыкі расказвалі аб сваіх захапленнях, адгадвалі загадкі, малявалі. Па малюнках можна было здагадацца, аб якіх прафесіях мараць падлеткі.

Вучні 9-11 класаў прынялі ўдзел у прафарыентацыйнай экскурсіі "Выбар прафесіі - выбар шляху". Старшакласнікі наведалі мясцовае аддзяленне пошты. Работнік пошты падзялілася тонкасцямі сваёй прафесіі, адказала на пытанні вучняў. Пазней падлеткі наведалі вясковы магазін і пазнаёміліся з асаблівасцямі тарговай справы. Старшакласнікі зазначылі, што такія экскурсіі вельмі дапамагаюць у прафесійным самавызначэнні.

02.03.2024

2 сакавіка вучні сярэдніх класаў прынялі ўдзел у суботнім мерапрыемстве "Беларусь- краіна для міру". Мерапрыемства прайшло ў форме адкрытага дыялогу, дзе размова ішла аб сімвалах Беларусі, знакамітых асобах краіны, гістарычных вядомых мясцінах. Вучні расказалі шмат цікавага пра сваю малую радзіму - Грэск. Падлеткі выказвалі свае думкі аб будучым сваёй краіны, аб адказнасці кожнага за тое месца, дзе нарадзіўся  і жывеш.

Для вучняў пачатковых класаў было арганізавана фальклорнае падарожжа «Масленіца ідзе!». Хлопчыкаў і дзяўчынак чакалі выпрабаванні ад Зімы, сустрэча з Днямі масленічнага тыдня, а таксама конкурсы, гульні і танцы.

24 лютага для вучняў пачатковых класаў працавала творчая майстэрня “Мы разам”, якая была арганізавана для дзяцей з мэтай правядзення сумеснага творчага часу. Удзельнікі мерапрыемства змаглі паспрабаваць сябе ў вырабе паштоўкі. Дзеці і настаўнікі працавалі разам, што садзейнічала ўмацаванню ўзаемаадносін і сямейнай сувязі.

Навучэнцы педагагічных груп 10 і 11 класаў падрыхтавалі інфармацыйную інтэрактыўную пляцоўку “Прафесіі маіх бацькоў” для вучняў сярэдняга звяна. Кожны ўдзельнік змог расказаць пра прафесію сваёй мамы ці таты, даведацца пра прафесіі бацькоў сваіх сяброў. Усе разам склалі воблака слоў з прафесій,  пра якія расказвалі. Вучні пагадзіліся з тым, што “Усе прафесіі важныя, усе прафесіі патрэбныя”.

10 лютага 2024

У суботні дзень вучні пачатковай школы прынялі ўдзел у эстафеце "Насустрач здароўю". Дзве каманды спаборнічалі ў разнастайных конкурсах, праяўляючы свой спрыт, сілу, смеласць,шпаркасць. Перамагла дружба і сяброўства.

10 лютага на базе ДУА “Сярэдняя школа №13 г.Слуцка” каманда вучняў 7 -10 класаў  прыняла ўдзел у турніры, прысвечаным 35-годдзю вываду войск з Афганістана.

3 лютага 2024 г

У суботні дзень з вучнямі пачатковых класаў была праведзена віктарына "Выконвай правілы дарожнага руху". Віктарына прайшла ў гульнявой форме. Спачатку дзеці паўтаралі правілы дарожнага руху, а затым адказвалі на складаныя пытанні. Удзельнікі былі актыўнымі, дружнымі і мэтанакіраванымі.

У суботні вечар школа сустракала сваіх выпускнікоў. Актавая зала быццам  свяцілася ад усмешак і добрых слоў, радасных успамінаў. Цёплую атмасферу падтрымлівалі шчырыя словы вядучых свята, сцэнкі са школьнага жыцця і песні ў выкананні вучняў школы. Удзел у мерапрыемстве прынялі і выпускнікі, якія скончылі школу 30, 20 і 15 гадоў таму назад.

З сардэчнымі пажаданнямі да ветэранаў педагагічнай працы, выпускнікоў былых гадоў і настаўнікаў звярнулася дырэктар школы Арціховіч Наталля Мікалаеўна.

Выпускнікі таксама спяшаліся выказаць добрыя словы ў адрас тых, хто сваім прыкладам вучыў дабрыні, мудрасці і ўзаемаразуменню.

27 студзеня, у суботу, вучні сярэдніх класаў удзельнічалі ў гадзіне зносін з элементамі гульні “Традыцыі маёй сям’і”. Падлеткі падзяліліся цікавымі гісторыямі з жыцця сваіх сямей. Расказалі аб тых традыцыях, якія здаўна існуюць у іх сем’ях або тых, якія з’явіліся зусім нядаўна. Вучні прыйшлі да высновы, што традыцыі сям’і цесна звязаны з традыцыямі нашага беларускага народа.

Паважаць традыцыі сям’і – гэта значыць паважаць і традыцыі сваёй зямлі, Беларусі.

Вучні пачатковых класаў здзейснілі "Падарожжа з любімымі героямі кніг". “Любім казкі слухаць, а яшчэ лепш іх чытаць самім. Падарожнічаць з любімымі героямі па казачных краінах”, - дзяліліся вучні сваімі ўражаннямі.

У суботу, 20 студзеня,  для вучняў старэйшых класаў была арганізавана профарыентацыйная сустрэча з выпускніцай нашай школы, а зараз студэнткай  2 курса Беларускага нацыянальнага тэхнічнага ўніверсітэта. Навучэнцам цікава было паслухаць пра ўніверсітэт, які мае багатую векавую гісторыю і ганарыцца сваімі традыцыямі і інавацыямі. БНТУ прапаноўвае розныя магчымасці для развіцця асобы студэнтаў праз удзел у культурных і спартыўных мерапрыемствах, грамадскіх арганізацыях. Сустрэча была прадуктыўнай і інфарматыўнай для вучняў.

У суботу, 13 студзеня 2024г,  вучні пачатковых класаў прынялі ўдзел у рабоце круглага стала "Азбука Айбаліта". Падчас працы дзеці актыўна і з захапленнем разгадвалі загадкі, складалі правілы асабістай гігіены, малявалі. Мерапрыемства прайшло весела і пазнавальна.

Вучні сярэдняга звяна паўдзельнічалі ў віктарыне, прысвечанай здароваму харчаванню. Каманды адказвалі на пытанні, звязаныя з правільным харчаваннем і яго ўплывам на здароўе чалавека. Вучні актыўна  задавалі пытанні адзін аднаму , дзяліліся сваімі ведамі і вопытам.

 23 снежня ў рамках акцыі "Цуды на Каляды" піянеры дружыны ДУА "Грэская сярэдняя школа" запрасілі ў родную школу дзяцей-інвалідаў, якія навучаюцца на даму і ўручылі ім падарункі, павіншавалі з надыходзячымі святамі! Таксама наведалі і павіншавалі з Новым годам ветэрана педагагічнай працы Барысавец Марыю Сцяпанаўну.

У чарговую суботу, 16 снежня, вучні 11 педагагічнага класа правялі мерапрыемства для вучняў 5-7 класаў "Прафесіі будучага". Было цікава ўсім прымерыць на сябе прафесіі "касмічны гід" або "дызайнер чалавечага цела". Які вялікі і разнастайны свет прафесій!

9 снежня вучняў пачатковай школы чакалі «Зімовыя забавы». Хлопчыкі і дзяўчынкі вылепілі  снегавіка, пабудавалі снежную крэпасць.

Для вучняў 5-7 класаў было  арганізавана спартыўнае мерапрыемства “Вясёлая лыжня”. Падлеткі з задавальненнем праходзілі лыжную дыстанцыю. Весяліліся, умацоўвалі сваё здароўе, загартоўваліся.

У першую суботу снежня (02.12.2023) ў школе прайшоў дзень грамадзянскага і патрыятычнага, духоўна-маральнага выхавання.

Навучэнцы пачатковых класаў адправіліся ў завочнае падарожжа "Беларусь ад А да Я". Мерапрыемства спрыяла фарміраванню пачуцця любові і павагі да сваёй Радзімы, пачуцця гонару за дасягненні Беларусі ў галінах культуры, спорту і народнай гаспадаркі.

Для вучняў сярэдняга звяна прайшла віртуальная экскурсія ў Нацыянальны гістарычны музей Рэспублікі Беларусь. Падчас прагляду відэароліка дзеці наведалі тэматычныя залы і экспазіцыі музея, паслухалі пра гісторыю найбольш каштоўных экспанатаў музея, даведаліся шмат новага пра гісторыю сваёй краіны.

25 лістапада (субота) вучні сярэдняга звяна ўдзельнічалі ў квэст-гульні “Наша класная сям’я”. Квэст – гэта прыгодніцкая, камандная гульня, у якой неабходна праходзіць этапы, выконваючы заданні. Каманды атрымалі дарожныя лісты, у якіх пранумераваны маршрут, каторы неабходна было пераадолець. На кожным прыпынку ўдзельнікаў чакалі цікавыя заданні. Пасля праходжання кожнага задання гульцы рабілі паметкі ў дарожным лісце.Такім чынам збіраўся пазл на зваротным баку  маршрута. Дзеці выдатна справіліся з усімі заданнямі, пашырылі свае веды пра сям’ю, пра маральныя адносіны да сямейных традыцый, каштоўнасцей. Падлеткі паказалі добрую камандную гульню.

У школьным гісторыка-краязнаўчым музеі прайшла гадзіна зносін “Я – патрыёт”. На мерапрымства былі запрошаны вучні 6-10 класаў. Для чаго патрэбна ведаць гісторыю свайго народа, падзеі Вялікай Айчыннай вайны? Яна вучыць і  выхоўвае пачуццё патрыятызму, абавязку перад Радзімай, пачуццё адказнасці за свае ўчынкі.

 18 лістапада ў школе прайшоў дзень працоўнага выхавання і прафесійнай арыентацыі.

Сярод вучняў пачатковай школы прайшоў міні-конкурс “Адгадай прафесію” і конкурс малюнкаў “Мая будучая прафесія”. Трэцякласнікі мараць быць урачамі, настаўнікамі, касманаўтамі, кандытарамі, артыстамі. Яны не толькі намалявалі прадстаўнікоў абраных прафесій, але і расказалі, чаму лічаць пэўную прафесію лепшай для сябе.

Для вучняў 5-9 класаў  Фадзеяў А.В. арганізаваў круглы стол “Прафесіі Случчыны”. У ходзе гутаркі пытанняў было шмат: якія прахадныя балы, ці ёсць інтэрнат, дзе пасля вучобы працуюць выпускнікі каледжаў. Пасля навучэнцы вывучалі матэрыялы стэнда “Куды пайсці вучыцца”.

11 лістапада ў школе прайшоў дзень прапаганды здаровага ладу жыцця. У тэматычных мерапрыемствах прынялі ўдзел вучні ўсіх класаў школы.

“Вясёлыя эстафеты” прайшлі для вучняў 1-4 класаў. Каманды “Пераможцы” і “Мы – сіла” спаборнічалі ў хуткасці, спрытнасці, меткасці і знаходлівасці.

Вучні 5-9 класаў сталі ўдзельнікамі і балельшчыкамі мерапрыемства “Спартыўны калейдаскоп”. Вядзенне мяча, бег у мяшках, адказы на пытанні па гісторыі спорту і іншыя конкурсы вызвалі асаблівую цікавасць і ўдзельнікаў, і балельшчыкаў. Каманды атрымалі лісты-падзякі за ўдзел у мерапрыемстве.                          

Вучні 9-11 класаў былі запрошаны на гутарку з памочнікам урача УБ аг.Грэск Дробыш І.В. “Што такое вакцынацыя і для чаго яна патрэбна”. Дробыш І.В. адказала на ўсе пытанні вучняў. Напрыканцы сустрэчы вучні атрымалі памяткі “Для чаго патрэбна вакцынацыя”.

21 кастрычніка 2023 г.

Цікава і займальна прайшоў суботні дзень для вучняў пачатковай школы. Тэма дня - рамёствы і промыслы Беларусі. Дзяцей асабліва зацікавіла практычная частка - выраб лялькі-абярэга з розных матэрыялаў ( з саломы, нітак). Вынікам мерапрыемства стала афармленне выставы.

Вучні 5-9 класаў ўдзельнічалі ў інтэрактыўнай гульні “Шлях у прафесію пачынаецца ў школе?”. Удзельнікі гульні даведаліся, што існуюць пэўныя фактары пры выбары прафесіі: хачу, магу, патрэбна. Вызначылі, што або хто ўплывае на выбар будучай прафесіі, якія існуюць найбольш тыповыя памылкі пры выбары прафесіі. Вучні пазнаёміліся з сучаснымі запатрабаванымі прафесіямі. З цікавасцю вучні выконвалі псіхалагічны тэст, які дапамог ім лепш пазнаць сябе. Напрыканцы гульні падлеткі пагадзіліся, што шлях у прафесію пачынаецца ўжо ў школе.

14 кастрычніка  2023 г

Асаблівае месца сярод свят займае Дзень маці. Гэта свята, да якога ніхто не можа застацца абыякавым, гэта свята вечнасці: з пакалення ў пакаленне для кожнага чалавека мама – самы галоўны чалавек. У гэты дзень хочацца сказаць словы падзякі ўсім Мамам, якія дораць дзецям любоў, дабро, пяшчоту і ласку.

Навучэнцы пятага класа падрыхтавалі для мам святочную праграму “Матуля мілая мая”. Для любімых матуль і бабуль гучалі песні, вершы, цёплыя словы ўдзячнасці і павагі.

Да Дня прапаганды здаровага ладу жыцця з 17.00 да 19.00 прайшла дыскатэка “Мы за здаровы лад жыцця”. Навучэнцы 6-10 класаў з задавальненнем прымалі ўдзел у конкурсах і віктарынах, весела правялі вольны час.

7 кастрычніка для вучняў пачатковых класаў прайшла экскурсія “Гісторыя маёй вёскі ў пытаннях і адказах”. У залах школьнага гісторыка-краязнаўчага музея вучні-экскурсаводы паведамілі сваім  малодшым сябрам пра гісторыю Грэскага падполля, пра ўдзел нашых землякоў у Вялікай Айчыннай вайне. Наведалі залу беларускага народнага побыту, пазнаёміліся з убранствам беларускай хаты, элементамі беларускага народнага касцюма. Пачаткоўцы атрымалі адказы на ўсе зададзеныя пытанні.

Вучні 5-9 класаў віртуальна наведалі Брэсцкую крэпасць. Яны самастойна выбіралі маршрут агляду крэпасці, мелі магчымасць дэтальна разглядзець асобныя залы і экспанаты. Прыйшлі да высновы, што патрэбна абавязкова наведваць мясціны, якія звязаны з гісторыяй сваёй краіны.

Любоў да Радзімы, ведане гісторыі свайго народа – гэта тое, што збліжае ўсіх нас.

Кожны год вучні нашай школы віншуюць настаўнікаў-ветэранаў  з Днём настаўніка. Гэты год не быў выключэннем. Напярэдадні свята 30 верасня прайшла  акцыя “Мы Вам удзячныя, педагогі-ветэраны!”. У ёй прынялі ўдзел вучні  5-11 класаў.

Віншаванне  настаўнікаў-ветэранаў заўсёды хвалюючае і запамінальнае. Настаўнікі расказваюць пра свой жыццёвы шлях у педагагічнай прафесіі, пра сваіх вучняў, пра  іх поспехі і дасягненні. Дзелячыся ўспамінамі з вучнямі, адказваючы  на іх шматлікія пытанні, настаўнікі-ветэраны запрашаюць маладое пакаленне ў прафесію.

23 верасня ў суботу для вучняў пачатковай школы займальна і цікава было арганізавана мерапрыемства "Мой рэжым дня". Дзеці з захапленнем складвалі рэбусы, разгадвалі загадкі. Па выніках мерапрыемства яго ўдзельнікамі быў створаны калаж "Мой рэжым дня".

Вучні 5-9 класаў  прынялі ўдзел у дыскусіі "Мая сям'я - маё багацце", якая была  прысвечана самаму галоўнаму ў жыцці чалавека – сям’і. Дзеці з задавальненнем прымалі ўдзел у гульнях і конкурсах, разгадвалі загадкі, распавядалі пра сваю сям'ю.

Суботнія мерапрыемствы прынеслі шмат пазітыўных эмоцый і добры настрой навучэнцам.

Восень – прыгожая пара, якая ціхай хадою ўступае ў свае ўладанні. Пакуль яшчэ грэе днём цёплае сонейка і радуюць развітальныя летнія дні. 16 верасня вучні 5-9 класаў Грэскай школы прынялі ўдзел у працоўным дэсанце “Мы ў адказе за ўсё на планеце” па навядзенні парадку на клумбах і па падрыхтоўцы іх да зімовага перыяду. Працавалі дружна і  зладжана. Усім дзякуй! Сумненняў няма – клумбы падрыхтаваны да зімы.

Для вучняў пачатковых класаў была праведзена інтэрактыўная гульня "Парад прафесій". Яны даведаліся, што існуе шмат цікавых і незвычайных прафесій, а таксама расказалі пра свае планы на будучае. Незвычайная форма правядзення і цікавыя заданні дапамагалі падтрымліваць інтарэс на працягу ўсёй гульні.

9 верасня ў нашай школе прайшоў "Дзень здароўя і спорту ", прысвечаны актыўнаму і здароваму ладу жыцця. Штогадовае правядзенне Дня здароўя стала традыцыяй у нашай школе. Ён праводзіцца для таго, каб дзеці разумелі: здароўе - гэта галоўнае багацце нашага жыцця. Вучні 5-9 класаў прынялі ўдзел у спартландыі "Мы любім лёгкую атлетыку”. Актыўна ўдзельнічалі ў эстафетах, рухомых гульнях, імкнуліся да перамогі. Дзякуй усім за ўдзел, за добры настрой, за пазітыўныя эмоцыі, падораныя адзін аднаму. Беражыце здароўе, займайцеся фізкультурай!