Архіў справаздач

17 красавіка, у суботу, прайшоў суботнік па навядзенні парадку на прышкольнай тэрыторыі. 

10 красавіка, у суботу, з вучнямі 4-6 класаў была праведзена пазнавальная гадзіна "Самы граматны пешаход". Рабяты яшчэ раз ўспомнілі правілы дарожнага руху для пешаходаў, пасажыраў і веласіпедыстаў.

20 сакавіка, у шосты школьны дзень, у пачатковай школе прайшла акцыя "Сустракаем пярнатых сяброў".

Удзельнікі аб'яднання па інтарэсах "Што? Дзе? Калі?" правялі гульню, на якую былі запрошаны вучні 7-9 класаў.

   13 сакавіка, у суботу, у  7-8 класах прайшло Свята Масленіцы. Дзеці пазнаёміліся з гісторыяй і традыцыямі ўзнікнення і правядзення тыдня Масленіцы, прыгатавалі бліны, чай, цукеркі. Частаваліся самі і частавалі гасцей, якія былі запрошаны на свята.  

6 сакавіка, у суботу, напярэдадні Дня жанчын, вучні 5-7 класаў аформілі выставу "Для нашых мам".

   20 лютага,  у шосты школьны дзень, у рамках Адзінага рэспубліканскага дня бяспекі, вучні 1-5 класаў наведалі з экскурсіяй Грэскі пажарны аварыйна-выратавальны пункт. Супрацоўнікі паказалі дзецям, як выкарыстоўваюцца тэхнічныя сродкі пры тушэнні пажараў, напомнілі асноўныя правілы паводзін на лёдзе, а таксама правялі тэматычную віктарыну. Усе дзеці атрымалі карысныя прызы і падарункі. Сустрэча атрымалася цікавай і пазнавальнай.

13 лютага, у суботу, вучні 7-8 класаў аформілі выставу "Афганістан - памяць і боль народа".  

6 лютага ў рамках традыцыйнага Вечара сустрэчы з выпускнікамі вучні 7-8 класаў аформілі тэматычную выставу "Як гэта было...".

Старшакласнікі падрыхтавалі відэа віншаванне для выпускнікоў мінулых гадоў.

30 студзеня у пачатковай школе прайшла пазнавальная інтэрактыўная гульня "Дарога дабрыні". Вучні сярэдняга звяна наведалі сядзібу "Слуцкі страус". 

23 студзеня, у суботні дзень, у 2 класе  для вучняў пачатковай школы прайшло мерапрыемства "Вясёлка прафесій" у форме гульні. Вучні прадстаўлялі розныя прафесіі, сярод якіх былі прафесіі настаўніка, урача, візажыста-парыкмахера, повара. 

Вучні 6 класа  правялі пазнавальную гадзіну "Дзеці і закон".

16 студзеня, у шосты школьны дзень, прайшла акцыя "Птушкі ля кармушкі".

На школьным стадыёне адбыўся лыжны забег "Усе на старт", у якім прынялі ўдзел вучні 8-9 класаў.

12 снежня, у суботу, вучні школы правялі ў бібліятэцы акцыю "Кніжная аптэка".

Дзеці дапамаглі бібліятэкару падклеіць кнігі, якімі часта карыстаюцца малодшыя школьнікі. Раставілі кнігі ў алфавітным парадку, здалі ў макулатуру падручнікі, у якіх скончыўся тэрмін карыстання. Суботні дзень прайшоў цікава, а галоўнае, карысна.

5 снежня, у суботу, у школе працавала майстэрня Дзеда Мароза. Вучні рыхтавалі навагоднія ўпрыгожванні для класных кабінетаў, выразалі з паперы сняжынкі, каб аздобіць школу. Вынікам працы былі ўсе задаволены. 

28 лістапада вучні 6 класа правялі экскурсію ў школьным музеі для вучняў пачатковай школы на тэму "Вёска Грэск у гады Вялікай Айчыннай вайны". 

У суботу, 21 лістапада, у пачатковай школе прайшоў конкурс выразнага чытання "Мая радзіма - Беларусь", які садзейнічаў выхаванню грамадзянскасці і патрыятызму малодшых школьнікаў.

14 лістапада  ў межах рэалізацыі інтэрнет-праекта "Думай і дзейнічай 2.0" удзельнікі каманды "Будучыя педагогі" арганізавалі клуб выхаднога дня для малодшых школьнікаў і іх бацькоў. Мэта дзейнасці клуба заключаецца ў папулярызацыі Мэтаў Устойлівага Развіцця сярод насельніцтва нашага аграгарадка. Першая задача, якую паставілі перад сабой удзельнікі каманды "Будучыя педагогі", - гэта праінфарміраваць вучняў пачатковых класаў аб сутнасці і каштоўнасцях Мэт Устойлівага Развіцця. Першыя заняткі былі ўводныя, былі яны прысвечаны першай мэце - Ліквідацыя беднасці. Да заняткаў вучні педагагічных класаў падрыхтавалі прэзентацыю і буклеты для вучняў пачатковых класаў. 

З вучнямі 5 класа была праведзена пазнавальная гадзіна "Вучыся быць здаровым".

31 кастрычніка вучні 6-9 класаў правялі дабрачынную акцыю і аказалі дапамогу ветэранам педагагічнай працы.

У суботу, 24 кастрычніка, вучні школы наводзілі парадак ля брацкай магілы, якая знаходзіцца ў пачатку вёскі Грэск. 

З вучнямі 10 класа была праведзена прафарыентацыйная гутарка "Паступай у навучальныя ўстановы МНС".

17 кастрычніка ў школе прайшлі мерапрыемствы, прысвечаныя Дню маці.

У пачатковай школе дзеці падрахтавалі святочныя паштоўкі для мам. Вучні сярэдняга звяна аформілі выставу творчых работ "Мая матуля" і павіншавалі ўсіх са святам.

У суботу, 10 кастрычніка, у школе прайшоў Дзень здароўя.

У пачатковай школе была праведзена пазнавальная гульня "Школа здароўя". Вучні сярэдняга звяна ў час пазакласнага мерапрыемства паспрабавалі вывесці формулу здороўя. 

Сярод старэйшых школьнікаў прайшоў тэнісны турнір.

3 кастрычніка, напярэдадні Дня настаўніка, вучні павіншавалі настаўнікаў-ветэранаў са святам, уручылі паштоўкі і кветкі. Педкласаўцы прадставілі цудоўны канцэрт "Віншуем Вас!". 

26 верасня вучні пачатковай школы пабывалі на экалагічнай сцяжынцы, наведалі парк і алею. Вучні сярэдняга звянаў у гэты цудоўны сонечны дзень  таксама адправіліся на прыроду, на фотакрос "Восень залатая".

Педкласаўцы правялі прафарыентацыйную гульню "Прафесія-педагог"

19 верасня ў пачатковай школе прайшло завочнае падарожжа "Сцежкамі роднай вёскі". 

У школьным музеі для вучняў 5-8 класаў была праведзена экскурсія "Савецкі перыяд у гісторыі нашай краіны".

Удзельнікі спартыўнай секцыі па валейболе правялі таварысцкую гульню з вучнямі Гольчыцкай СШ.

12 верасня ў школе прайшоў Дзень здароўя.

Вучні пачатковай школы прынялі ўдзел у спартыўнай гульні "Вясёлыя старты". Адбылася таварысцкая сустрэча па футболе паміж камандамі вучняў Грэскай сярэдняй школы і Гольчыцкай сярэдняй школы. Добраму настрою і бадзёрай гульні спрыяла ў гэты дзень сонечнае надвор'е. Футбольны матч падарыў шмат станоўчых эмоцый усім прысутным.

5 верасня ў школе прайшоў Дзень бяспекі ў рамках абласной акцыі "У цэнтры ўвагі - дзеці". Адбылася сустрэча вучняў  з начальнікам ПАВП №18 Валатовічам А.С.. Ён правёў гутарку з вучнямі на тэму "Як забяспечыць бяспеку жыццядзейнасці". Першакласнікам былі ўручаны метадычкі МУС Беларусі, у якіх разглядаюцца выпадкі надзвычайных сітуацый і правілы паводзін пры іх.